Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 69-1} pōtu aviḻ paṉi poykai putuvatu taḷaiviṭṭa
• {KALI 69-2} tātu cūḻ tāmarai taṉi malar puṟam cērpu
• {KALI 69-3} kātal koḷ vatuvai nāḷ kaliṅkattu uḷ oṭuṅkiya
• {KALI 69-4} mātar koḷ māṉ nōkkiṉ maṭantai taṉ tuṇai āka
• {KALI 69-5} ōtu uṭai antaṇaṉ eri valam ceyvāṉ pōl
• {KALI 69-6} āy tūvi aṉṉam taṉ aṇi naṭai peṭaiyoṭu
• {KALI 69-7} mētaka tiritarūum miku puṉal nal ūra
• {KALI 69-8} teḷ ari cilampu ārppa teruviṉ kaṇ tākki niṉ
• {KALI 69-9} uḷḷam koṇṭu oḻittāḷai kuṟai kūṟi koḷa niṉṟāy
• {KALI 69-10} tuṇintatu piṟitu āka tuṇivu ilaḷ ivaḷ eṉa
• {KALI 69-11} paṇintāy pōl vantu īṇṭu payaṉ ila moḻivāy ō
• {KALI 69-12} paṭṭuḻi aṟiyātu pākaṉai tēroṭu um
• {KALI 69-13} viṭṭu avaḷ varal nōkki viruntu ēṟṟukkoḷa niṉṟāy
• {KALI 69-14} neñcatta piṟa āka niṟai ilaḷ ivaḷ eṉa
• {KALI 69-15} vañcattāṉ vantu īṅku vali alaittīvāy ō
• {KALI 69-16} iṇar tatai taṇ kāviṉ iyaṉṟa niṉ kuṟi vantāḷ
• {KALI 69-17} puṇarviṉil pukaṉṟu āṅku ē puṉal āṭa paṇṇiyāy
• {KALI 69-18} tarukkiya piṟa āka taṉ ilaḷ ivaḷ eṉa
• {KALI 69-19} cerukkiṉāl vantu īṅku col ukuttīvāy ō
• {KALI 69-20} eṉa āṅku
• {KALI 69-21} tarukkēm peruma niṉ nalkal viruppuṟṟu
• {KALI 69-22} tāḻntāy pōl vantu takavu ila ceyyātu
• {KALI 69-23} cūḻntavai ceytu maṟṟu emmai um uḷḷuvāy
• {KALI 69-24} vīḻntār viruppu aṟṟa kāl